ऐलतीर पैलतीर

ऐलतीरी संसार हा पैलतीरी काळ
कळुनिया सारे तरी करी वळवळ
माझे माझे म्हणुनिया, जोडी धनगोत
बुडूनिया स्वये जाई, करी वाताहत
पाप-पुण्य नाही मानी, अधर्माशी संग
बाह्यात्कारी भुललाशी, होई जीव दंग

ऐलतीरी संसार हा पैलतीरी काळ
कळुनिया सारे तरी करी वळवळ ।।

अहंकार सोबतीला, घेई मानपान
तुच्छ लेखे इतरांशी, पोशी अभिमान
जागा होई बारे गड्या, आवर हा खेळ
तुजलागी भक्षण्याशी, सिद्ध आहे काळ

ऐलतीरी संसार हा पैलतीरी काळ
कळुनिया सारे तरी करी वळवळ।।

.......डी सिताराम