माझी माय
वाहे प्रेमाचा निर्झर
जिच्या नयनी अखंड
अशी माय माझी थोर
तिच्या कृपेशी ना खंड
दयावंत कृपावंत
तिज संतांचे लक्षण
थोर तिचे उपकार
तिच्या सेवेशी ना उणं
सदा कामात तत्पर
नसे तिला कसे भान
गरीबीचा शाप होता
केला हसत सहन
चव तिच्या भोजनाची
जाई अमृत लाजुन
स्वर्गीचे ते सुख माझे
गेले आज हरपुन
जरी सुखाचे वलय
असे माझ्या सभोवार
पण माये विना झालो
सदा बेकार बेजार
शोधतो मी माय माझी
या साऱ्या जनी वनी
पण उदास मी होतो
नाही भेटे त्रिभुवनी
... डीसिताराम
